5 Burcad-baddeed Soomaali oo ay Hawlgalka Ciiddanka Badda ee Midowga Europe ee loo yaqaano EU NAVFOR ay bishan April 21-dii gacanta ku dhigeen ayaa loo gudbiyey Jesiiradda Sishilis ee kaabiga ku haysa Badwqeynta Hindiya.

Saddex ka mid ah Burcad-baddeeda ayaa la sheegay in lagu dhaawacay Hawlgalkii lagu so oqabanayey, waxaana la dhigay Isbitaal ku yaalla Jesiiradda Sishilis.

Wakaalladda Wararka Sishilis ee Seychelles news Agency ayaa sheegtay in 3 ka mid ah shanta qof ee Soomaalida shalay ka soo hor muuqdeen Maxkamadda Sare ee dalkaasi.

Garsooraha Maxkamadda oo lagu magacaabo Laura Pillay waxay amartay in Eedeysanayaasha lagu sii hayo Xabsiga Dhexe ilaa bisha soo socota ee May 13-da, xilligaasi oo dib loo qaadayo Dacwadda loo haysto.

Eedeysanayaasha Soomaalida waxay Maxkamadda ka codsadeen in la siiyo meel ay ku tukadaan muddada ay ku jiraan Xabsiga.

Sida laga soo xigtay Hawlgalka Ciiddanka Badda ee EU NAVFOR waxaa Burcad-baddeedaasi la so qabtay bishan April 21-dii, kadib, markii auy ku fashilmeen weerar ay ku qqafaalan lahaayeen 2 dooni Kalluumeysi oo laga leeyahay dalalka Koonfurta Kuurya iyo Spain bishan 19-dii.

Burcad-baddeedaasi oo adeegsanayey dooni ay saarnaayeen Kalluumeystao u dhalatay dalka Yemen waxay weerarka ka geysteen meel ka baxsan Xeebaha Somalia ilaa 280 nautical miles.