Dibadbaxyo carreysan ayaa ka billowday jasiiradda Suqatra ee u dhow Soomaaliya kadib markii Imaaraadka ay geeyeen 100 askari oo lagu daad gureeyey afar diyaarad.
Dadka deegaanka ayaa taleefishinka Al-Jazeera u sheegay in afarta diyaarad ee Imaaraadka ay si sharci darro ah ku yimaadeen, si ay u cabsi geliyaan dowladda beesha caalamku ay aqoonsan tahay ee Yemen.
Jaziiraddaan ayaa kaliya 80 KM u jirta Soomaaliya, hase yeeshee waxaa lahaanshaheeda sheegta Yemen.
Muuaqaallo lagu baahiyey baraha bulshada ayaa muujinaya dibadbaxayaasha oo ku qeylinaya erayo ay ku taageerayaan madaxweynaha Yemen Abd-Rabbu Mansour Hadi.
Dadka deegaanka ayaa ka carreysan in ciidamada Imaaraadka ay ceyriyeen ciidamadii dowladda Yemen ee ilaalada ka ahaa jaziiraddan.