Madaxweynaha Maamul Goboleedka Puntland Cabdiweli Cali Gaas ayaa Kala Diray Golaha Deegaanka Degmada Gaalkacyo.
War saxaafadeedka kasoo baxay madaxtooyada looga arrimiyo maamulkaasi Puntland ayaa u qornaa sidatan.
Madaxweynaha Dowladda Puntland Dr. Cabdiweli Maxamed Cali Gaas ayaa xeer Madaxweyne Lr. 175, November 17 2018, ku kala diray Golaha Dagaanka Degmada Gaalkacyo.
Madaxweynaha Dowladda Puntland.
Markuu arkay: Dastuurka Dowladda Puntland.
Markuu tixgeliyey: Tala soo jeedinta
Wasaaradda Arrimaha Gudahada, Dowladdaha Hoose iyo Horumarinta Reer Miyiga.
Markay caddaatay: in ay hanan-waayeen shaqadii loo igmaday.
Wuxuu Xeeriyey.
- Waxaa la kala diray Golaha Dagaanka Degmada Gaalkacyo.
- Xeerkani wuxuu dhaqan gelayaa markuu Madaxweynuhu saxiixo, wuuna saxiixay Madaxweynuhu.