Maxay kala yihiin 3da qodob ee Madaxweynaha JFS uu kala hadlay Culimada Soomaaliyeed?

by admin | Saturday, Feb 10, 2024 | 23 views

Madaxweynaha Jamhuuriyadda Federaalka Soomaaliya Xasan Sheekh Maxamuud oo kulan gaar ah la qaatay Culimada Soomaaliyeed waxa uu kala hadlay saddex qodob oo kala ah: La dagaalanka AS, Xoojinta Midnimada & Xal u helidda caqabadaha dib u dhigay Dalka.

May be an image of 5 people

Qoraal kooban oo Madaxtooyada Soomaaliya kasoo saartay kulankaan ayay ku sheegtay in Madaxweynaha Jamhuuriyadda Federaalka uu Culimada ka codsaday in ay doorkooda ka qaataan ka gudubka caqabadaha dalka dib u dhigay iyagana oo aqbaleen.

May be an image of 5 people and dais

Madaxweyne Xasan Sheekh Maxamuud ayaa culimada Soomaaliyeed ku tilmaamay in ay laf-dhabar u yihiin la dagaalanka ‘AS’ iyaga oo door muuqda ka qaatay kulamadii looga hadlay billowgii howlgallada lagu qabtay deegaanno dhowr ah.

May be an image of 7 people and dais

Culimada ayaa dhankooda waxa ay Madaxweynaha Jamhuuriyadda Xasan Sheekh Maxamuud u gudbiyeen talooyin ku aaddan dib u dhiska, horumarinta Dalka & la dagaalka Fikirka waxa loogu yeero ‘Xagjirnimada’ sida hadalka loo dhigay.

Like it? Share it!

Leave A Response