Fallaagada M23 ee bariga Jamhuuriyadda Dimuqraadiga ah ee Kongo ayaa la wareegtay gacan ku haynta Rubaya, oo ah magaalo muhiim ah oo laga soo qodo macdanta casriga ah, ka dib dagaallo xooggan oo maalmo socday, sida uu sheegay afhayeen u hadlay fallaagada.

Bariga Congo waxaa hareeyay rabshado tan iyo 1990-meeyadii, waxaana ku dhintay malaayiin dad ah halgan ku saabsan aqoonsiga qaranka, qowmiyadda, iyo kheyraadka ay arkeen dalalka deriska la ah oo soo duulay iyo kooxo hubeysan oo tiro badan.

Willy Ngoma, oo ah afhayeenka milatariga M23 ee Tutsi-ga uu hogaamiyo, ayaa wakaalada wararka ee Reuters u sheegay in magaalada, oo ku taal Waqooyiga Kivu, ay gacanta ku hayeen ka dib markii ay ka daba tageen kooxaha kale ee hubaysan ee gobolka oo ay ku jiraan ciidamada xoraynta Rwanda, kuwaas oo ka kooban qowmiyadda Hutu.

Afhayeenka ciidamada Congo ee howlgallada ka dhanka ah kooxda fallaagada ah, Lieutenant Colonel Guillaume Njike, ayaa wakaaladda wararka ee Reuters u sheegay in aysan xaqiijin karin in fallaagada ay qabsadeen magaalada.

Ciidamada nabad ilaalinta Qaramada Midoobay oo sii daayay 5 qof oo rayid ah oo lagu qafaashay Congo

“Waxaan ku jirnaa baaritaanno tan iyo shalayto in ay ku dhacday gacanta fallaagada M23 iyo in kale,” ayuu yiri Njike.