Guddiga doorashada Madaxweynaha & Madaxweyne kuxigeenka Maamulka Hir-Shabeelle ayaa ku dhawaaqay waqtiga la qabanayo doorashada Madaxweynaha Maamulkaas iyo kuxigeenkiisa.
Qoraal kasoo baxay guddiga ayaa waxaa lagu sheegay in diiwaangelinta musharixiinta Madaxweynaha & Madaxweyne kuxigeenka Hir-Shabeelle ay dhacayaan 8 ilaa 9 Bisha November, halka hadal jeedinta musharixiinta Madaxweynaha & Madaxweyne kuxigeenka Hir-Shabeelle ay dhaceyso 10-ka Bishaan.
Sidoo kale guddiga doorashada ayaa waxaa ay shaaciyeen in doorashada Madaxweynaha & Madaxweyne kuxigeenka Maamulka Hir-Shabeelle ay dhaceyso 11 Bisha November oo ku aadan Maalinta Arbacadaha ah ee soo socota.