Wasiirka Arrimaha Gudaha iyo Dowladaha Hoose ee Maamulka Hir-Shabeelle Maxamed Cali Caadle oo ka hadlayay Shir looga magac daray Xasilinta Hir-Shabeelle ayaa sheegay in dadka deegaanada maamulkaas looga baahan yahay in ay ka qeyb qaataan Xasilinta.
Wasiir Caadle ayaa sheegay in ay Bulshada Hir-Shabeelle ay bari doonaan muhiimadda Amniga iyo Dhismaha Golaha Deegaanka Maamulkaasi uu leeyahay.
Kulanka oo ay soo agaasintay Wasaaradda Arrimaha, Federaalka iyo Dib u heshiisiinta Xukuumadda Federaalka Soomaaliya, waxaa ka qeyb galay Wasaaradaha arrimaha Gudaha ee Maamul Goboleedyada dalka.
Dhankooda waxa ay iyanna kusoo bandhigayeen sida Hir-Shabeelle ay ku gaari karto Xasilooni Amni iyo Dhismaha Golaha Deegaanka, waxaana la sameynayay aragti uruurin ku saabsan ka qeybgalayaasha Madasha.
Wasiirka Arrrimaha Gudaha Hiir-Shabeelle Maxamed Cali Caadle oo hadlay ayaa sheegay in Mas’uuliyaddu ay tahay mid meel ugu siman qof waliba, sidii looga mira-dhalinlahaa arrintaan ayuu sheegay in ay tahay raadinta Xasilinta oo ah Caqabadda ugu weyn ee hor istaagi karto howsha ay wadaan sida uu hadalka u dhigay.
Maamulka Hir-Shabeelle oo ahaa Maamul goboleedkii ugu dambeeyay ee la dhisay ayaa qorsheynaya sidii uu dhisan lahaa Gole Deegaan, si lamid ah Maamul Goboleedyada qaarkood oo Deegaanadooda ka dhisay,,,