Kormeerkan guddoomiyaha maamulka gobolka Hiiraan Cali Maxamed Caraale uu ku tagay isbitaalka guud ee gobolka ayaa waxaa ku wehelinayay xubno ka tirsan maamulka kuwaasoo kormeeray qeybaha uu ka kooban yahay isbitaalka oo xiligan aysan jirin hay’adda gacanta ku heysta iyadoo bukannada isbitaalka la keeno daawooyinka inta badan looga doono farmashiyaasha magaalada Baladweyne.
Agaasimaha guud ee isbitaalka gobolka Hiiraan Axmed Maxamed Khaalif ayaa guddoomiyaha iyo xubnaha la socday uga waramay baahiyaha ka jira isbitaalka.
Guddoomiyaha gobolka Hiiraan Cali Maxamed Caraale ayaa balan qaaday in maamulkiisa la iman doono waxqabad muuqdo oo ku aadan isbitaalka gobolka si ay u haleen bulshada adeeg caafimaad oo ku filan islamarkana isbedel lagu sameyn doono maamulka isbitaalka.