Qeybta dambi baarista ee la soo agaasimay ee gobolka Northern Cape oo kaashanaya ciidamada ilaalada waddooyinka ee Colesberg ayaa gobolka Western Cape ku qabtay labo muwaadin oo Soomaali ah Sabtidii lasoo dhaafay qaad qiimihiisu ahaa R275,000.

Iyada oo qayb ka ah dadaallada socda ee lagula dagaallamayo ka ganacsiga daroogada sharci darrada ah, Qaybta Baarista Dambiyada ee Abaabulan ee Gobolka Northern Cape, oo kaashanaya Ciidanka Ilaalada Wadooyinka Colesberg, ayaa xiray laba qof oo haysta qaad qiimihiisu yahay R275,000.

Howlgalka oo dhacay Sabtidii 20-kii bishan April abaare 9-kii subaxnimo, ayaa lagu soo xiray labo muwaadin oo Soomaali ah oo ku sugnaa gobolka Western Cape.

Ka dib markii xogta la helay, baaritaanka ayaa u horseeday booliiska Kraaifontein oo ku taal Western Cape. Halkaa, iyaga oo gacan ka helaya qaybta baadhista dambiyada ee la soo agaasimay ee Western Cape, waxa ay boolisku gacanta ku dhigeen laba tuhmane oo laga helay dhawr sanduuq oo qaad ah oo qiimahooda lagu qiyaasay R275,000.

Labada eedaysane oo da’doodu kala tahay 38 iyo 42, ayaa lagu wadaa inay ka soo muuqdaan maxkamadda Kraaifontein wax yar ka dib.