Soomaaliland ayaa Maanta waxaa ay gebi ahaanba Shaqada ka joojisay 42 Shaqaale oo ka howlgalayay Garoonka diyaaradaha Cigaal ee Magaalada Hargeya,kuwaas oo Garoonka ka qabanayay Shaqooyin kala duwan.
Shaqaalaha Shaqada laga joojiyay ayaa waxaa ay mushaar ka qaadan jireen jiray hay’adda duulimaadyada hawada ee qaramada Midoobey (ICAO),waxaana jirta in Dowladda Soomaaliya ay dhowr bilood ka hor ay la soo wareegtay maamulka Hawada Somalia,waxaana sababta Soomaaliland Shaqada uga joojisay ayaa lagu sheegay inay soo caddeeyaan in aanay ka mid ahayn shaqaalaha ay la wareegayso dawladda Soomaaliya.
Dhamaan Shaqaalaha gaaraya ilaa 42 ee Soomaaliland Shaqada ka joojisay Maanta ayaa waxaa ay ka Shaqeynayeen Garoonka Diyaaradaha Magalada Hargeysa gaar ahaan qeybaha kala ah
Air Traffic Controllers: Hagidda diyaaradaha
AIS Officers: Maamulka macluumaadka hawada
MET Officers: Saadaasha Hawada
FireFighting: Dabdamiska
Marshallers: Parking garaynta diyaaradaha.
Si kastaba qaar ka mid ah Shaqaalaha Shaqa joojinta Maanta lagu sameeyay ayaa waxaa ay dhankooda sheegeen inay aad uga xun yihiin tallaabada ay kula kacday xukuumadda Soomalailand ee uu hoggaamiyo Muuse Biixi Cabdi.