Horyaalka waddanka Ingiriiska ee Premier League oo la ciyaarayo kulamadii labaad ee xilli-ciyaareedka cusub, waxa kasoo bixi dooina natiijooyin waaweyn iyadoo Manchester City, Manchester United, Arsenal iyo Tottenham aanay wax guul ah arki doonin toddobaadkan, sida uu saadaaliyey halyeygii Manchester United ee Dimitar Berbatov.
Saddexda kooxood ee toddobaadkii hore guulaha soo hooyey ee Man United, Arsenal iyo Man City ayaa uu Dimitar Berbatov ugu bushaareeyey in ay min laba dhibcood lumin doonaan, taas oo ka dhigan in horyaalka Premier League si buuxda loogala wareegi karayo.
Newcastle oo 5-1 kusoo garaacday Aston Villa ayaa waxay marti u noqon doontaa Manchester City oo iyaduna Jimcihii guul kasoo gaadhay Burnley, halka Arsenal iyo Manchester United ay guulo cidhiidhi ah soo hooyeen.
Berbatov oo saadaalinayay kulamadan ayaa waxa uu ka farxiyey Jurgen Klopp iyo Liverpool oo uu ugu bushaareeyey saddex dhibcood, saddex gool iyo shabaqooda oo nadiif noqonaya, halka Chelsea ay sidoo kale kusoo noqonayso tubta guusha.
Nottingham Forest 2-1 Sheffield United
Liverpool 3-0 Bournemouth
Wolves 1-2 Brighton
Fulham 1-0 Brentford
Spurs 2-2 Man United
Man City 2-2 Newcastle
Aston Villa 2-0 Everton
West Ham 0-2 Chelsea
Crystal Palace 1-1 Arsenal