Madaxweynaha maamulka Jubbaland Axmed Madoobe ayaa magacaabay wakiil u fadhindoona dalka Kenya.

Wareegto ka soo baxday xafiiska madaxwaynaha Jubaland ayaa lagu sheegay in Sadiiq Cabdulahi Bogale loo magacabay wakiilka Jubbaland u fadhin doona dalka Kenya.

Hadda ka hor, madaxweyne Axmed Madoobe ayaa sheegay inuu isku dayay inuu wakiil u magacaabo Kenya, balse wuxuu sheegay inuu ka laabtay, isagoo ka fekerayay inaan loo arag inuu arrimihii dibbada ku haysto dowladda federalka.

Axmed Madoobe ma ahan maamul ugu horreeyay ee wakiil u magacaaba dalalka dibbada. Puntland iyo Koonfur Galbeed ayaa sidaas oo kale wakiillo u magacaabay dalalka dibbada.

Kenya ayaa xiriir dhow laleh Axmed Madoobe, waxaana loo arkaa in ay qeyb ka tahay siyaasadaha Axmed Madoobe uu ku joogo xukunka maamulka Jubbaland.