Midowga Afrika oo tababaray Ciidamo hor leh.

by admin | Sunday, Sep 18, 2022 | 40 views

Afartan iyo kow sarkaal oo ka tirsan saraakiisha ciidamada ee ka hoos shaqeyn doona howlgalka Midowga Afrika ee ku meel gaarka ah ee Soomaaliya (ATMIS) ayaa tababar todobaad qaatay ugu soo gabagabeeyay magaalada Muqdisho, kaasi oo ujeedkiisu ahaa fududeynta ka mid noqoshada howlgalka.

Saraakiishan oo leh xirfado kala duwan oo dhanka waxbarashada iyo ciidamada ah ayaa lagu xareyn doonaa xarunta guud ee ciidamada ATMIS-ta iyagoo ku guda jira doorar kala duwan oo ay ka mid yihiin taageeridda hannaanka nabadda ee ay Soomaalidu hormuudka ka tahay, oo ay ku jirto tayeynta ciidamada Soomaaliya.

“Wajigan xasaasiga ah ee howlgalka ATMIS, waa heerar sare oo u diyaarsan hawlo muhiim u ah karti, hufnaan iyo hawl-karnimo oo ka kooban saraakiisha shaqaalaha si ay u maareeyaan hawl maalmeedka kuwaas oo si wadajir ah loogu tiriyo ka miro-dhalinta ujeedooyinka istaraatiijiga ah ee howlgalka,” ayuu yiri Maj. Gen. William Shume, Ku-Xigeenka Taliyaha Ciidanka ATMIS ee Hawlgallada. iyo Qorshaynta,.

Ka dib waxa uu ku booriyay saraakiisha cusub ee loo soo dirayao dalka Soomaaliya in ay aqoon u yeeshaan waajibaadka shaqo ee loo igmaday, isla markaana ay ilaaliyaan xirfada shaqo, taasoo ah tiirarkii ATMIS-ka ee Soomaaliya.

“Waan ku faraxsanahay inaan ogaado in ujeeddooyinka tababarka la gaaray. Waxaan si rasmi ah idiinkugu soo dhawaynayaa goobta hawl-wadeenada, oo ah mid ay ku jirto xirfada, anshaxa, qiyamka ciidanka, heerka sare iyo kartida dhamaanteed oo wada socda,” ayuu Sarreeye Gaas Shume ku daray.

Fududeeyayaasha tababarkan ayaa waxaa ka mid ahaa saraakiil ka kala socotay Xafiiska Taageerada Qaramada Midoobay ee Soomaaliya (UNSOS) iyo Hay’adda Qaramada Midoobay u qaabilsan Miino baarista ee UNMAS.

Sarkaal ka tirsan ciidamada ATMIS ee dhanka jinsiga Maj. Mary Kaonga oo u dhalatay dalka Zambia, ayaa sheegtay in tababarkan ay ka faa’iideen fikrado muhiim ah oo ku saabsan sida ugu wanaagsan ee ay ula shaqeyn karaan haweenka ka tirsan ciidamada ammaanka ee Soomaaliya si loo soo celiyo nabadda iyo ammaanka dalka.

“Tababarku waxa uu ahaa mid cajiib ah sababtoo ah waxa uu i siinayay fursad aan wax badan uga barto xaaladda Soomaaliya, waxa la qabanayo iyo waxa la samaynayo ee la rabo in aad u codsato sidaad hawshan ugu jirto,” ayuu yiri Maj Kaonga, oo ka soo shaqeeyay caafimaadka muddo 23 sano ah, isaga oo sidoo kale ka hoos shaqeysay Howlgalka Qaramada Midoobay ee Koonfurta Suudaan sanadkii 2010-kii.

Tababarka ayaa waxaa ka qeyb galay saraakiil ciidan oo ka kala socday dalalka Burundi, Ethiopia, Ghana, Kenya, Sierra Leone, Uganda iyo Zambia

Like it? Share it!

Leave A Response