Dagaal xooganaa una dhaxeeyay Ciidamada Somaliland iyo Ciidamada degaanka ee la Magac baxay SSC ayaa ka dhacay duleedka Magaalada Laas-Caanood ee Xarunta Gobolka Sool.

Dagaalka oo xoogiisa uu ka dhacay Bariga Magaalada Laas-Caanood ayaa ka dambeeyay kadib markii dhaq dhaqaaqyo Ciidan ay sameeyeen Ciidamada Somaliland, waxaana halkaasi ka dhacay dagaal in ka badan 4 Saacadood qaatay, kaas oo leysku adeegsaday hubka noocyadiisa kala duwan.

Goobjoogayaal ayaa waxaa ay sheegeen in uu jiro khasaaro dhimasho iyo dhaawac ah oo ka dhashay dagaalka, sidoo kalena Hoobiyeyaal ay ku dhaceen Guryo ay deganaayeen dad Shacab ah.

Dagaalka Maanta ka dhacay duleedka Magaalada Laas-Caanood ayaa kusoo aadaya xilli Maanta Somaliland looga dabaa degayo 18-ka Bisha May oo ah markii Somaliland ay ku dhawaaqday inay ka Go’day Soomaaliya inteeda kale sanadkii 1991-dii.